Հուսով եմ` աշխարհի առաջնությունում լավ արդյունք ցույց կտամ.Դավիթ Սաֆարյան

Ազատ ոճի ըմբշամարտի Հայաստանի հավաքականի ըմբիշ, աշխարհի և Եվրոպայի չեմպիոն Դավիթ Սաֆարյանը լրագրողների հետ զրույցում նշել է, որ ինքը դեռ լավագույն մարզավիճակում չէ:

«Աշխարհի առաջնությունից հետո, դեռ չեմ հասել այն մարզավիճակին, որից գոհ կլինեմ: Հասկանում եմ` աշխարհի առաջնությունը մոտ է և հուսով եմ, որ լավ արդյունք ցույց կտամ: Մարզվում եմ, անում եմ ամեն ինչ' լավագույն մարզավիճակիս հասնելու համար և կարծում եմ' աշխարհի առաջնության ժամանակ արդեն պատրաստ կլինեմ»,- նշել է մարզիկը: