«Ծիրանի ծառ» էթնոգրաֆիկ ֆիլմերի առաջին միջազգային փառատոնը Երևան է բերել 10 երկրի ռեժիսորի

Երևանում մեկնարկել է «Ծիրանի ծառ» էթնոգրաֆիկ ֆիլմերի առաջին միջազգային կինոփառատոնը, որը տեղի կունենա հոկտեմբերի 3-6-ը: «Արմենպրես»-ի հաղորդմամբ' կինոփառատոնին մասնակցելու են հայ երիտասարդ կինոռեժիսորները, ինչպես նաև արտասահմանցի ռեժիսորներ՝ Իրանից, Լիբանանից, Լեհաստանից, Չեխիայի ց, Էստոնիայից, Ռուսաստանից, Գերմանիայից, Ֆրանսիայից և ԱՄՆ-ից: «Ժամանակին, երբ Փարաջանովը եկավ Հայաստան, նա իրեն և հանրության համար վերահայտնաբերեց քամարը, որը մինչ այդ մարդիկ դադարել էին գնահատել ու աղբամանն էին շպրտում: Մեր նպատակն է, որպեսզի ռեժիսորները նման կերպ հայտնաբերեն մեր աչքի համար արդեն աննկատ կամ սովորական դարձած տարրերը»,- ասաց «Ծիրանի ծառ» միջազգային փառատոնի քարտուղար Գարեգին Զաքոյանը:

Նա նշեց, որ արվեստի յուրահատկություններից մեկն այն է, որ ժամանակին նկարահանված ֆիլմերից ոչ բոլորն են արժանանում ուշադրության, այդ իսկ պատճառով փառատոնին կներկայացվեն տարբեր տարիներին ստեղծված աշխատանքներ, որոնց միավորում է ազգագրության թեմատիկան: «Ազգագրությունը շատերը կապում են անցյալի հետ, սակայն ինձ համար այն շարունակական բնույթ ունի' կապն է անցյալի և ապագայի միջև: Մեր հույսը երիտասարդներն են, ովքեր կհետաքրքրվեն այս թեմայով և կսկսեն նկարաահանել ազգագրական թեմաներով վավերագրական կինոնկարներ»,- ասաց Ժողովրդական արվեստներ ի «Հանգույց» հիմնադրամի տնօրեն Լևոն Դեր-Բեդրոսյանը: