Շվեդիայում մեկնարկում է 114-րդ Նոբելյան շաբաթը

Շվեդիայում 114-րդ Նոբելյան շաբաթը մեկնարկում է ֆիզիոլոգիայի եւ բժշկության բնագավառում դափնեկրի անվան հայտարարմամբ, տեղեկացնում Է «Արմենպրես»-ը:

Առաջիկա օրերին հայտնի կդառնան մյուս անվանակարգերի մրցանակակիրները: Այսպես, հոկտեմբերի 6-ին Ստոկհոլմում կհայտարարվի Նոբելյան կոմիտեի՝ ֆիզիկայի գծով, հոկտեմբերի 7-ին՝ քիմիայի գծով որոշման մասին: Հոկտեմբերի 9-ին Օսլոյում կհայտարարեն խաղաղության մրցանակի դափնեկրի անունը: «Նոբելի հիշատակին Էկոնոմիկայի գծով մրցանակի» դափնեկիրը, մրցանակ, որը 1968 թվականին սահմանվել է Շվեդիայի պետական բանկի կողմից, կհայտարարվի հոկտեմբերի 12-ին: Շվեդիայի ակադեմիան, որի Նոբելյան կոմիտեն որոշում է ընդունում գրականության բնագավառում մրցանակի շնորհման վերաբերյալ, առայժմ ամսաթվի մասին չի հայտարարել, բայց, ավանդույթի համաձայն, դա տեղի է ունենում հոկտեմբերի հինգշաբթի օրերից մեկի ընթացքում:

1901 թվականից Նոբելյան մրցանակը հանձնել են 567 անգամ: Դափնեկիրներ են դարձել 864 մարդ եւ 25 կազմակերպություն:

Նոբելյան մրցանակի դրամական բաղադրիչն այս տարի, ինչպես եւ նախորդ երկու տարիներին, 8 մլն կրոնա է: Բայց շվեդական կրոնայի փոխարժեքի թուլացման կապակցությամբ այդ գումարը 2001 թվականից ի վեր առաջին անգամ պակաս կլինի 1 մլն դոլարից եւ կկազմի 950 հազար դոլար, հաղորդել Է ՏԱՍՍ-ը: