Բուքմեյքերների գնահատմամբ` Ֆրանսիա- Հայաստան խաղի ելքը կորոշվի հենց առաջին խաղակեսում

Միջազգային բուքմեյքերական գրասենյակները խաղադրույքներ են ընդունում Նիցա քաղաքի «Ալյանս Ռիվյերայում» հոկտեմբերի 8-ին տեղի ունենալիք Ֆրանսիայի եւ Հայաստանի ազգային հավաքականների ընկերական հանդիպման համար: Ինչպես հաղորդում է sport-xl.org կայքը, Ֆրանսիայի հաղթանակը գնահատվում է 1.28, ոչ-ոքին' 5.0, իսկ Հայաստանի հաղթանակը' 9.5:

Բուքմեյքերների գնահատմամբ' Ֆրանսիայի հավաքականն, ամենայն հավանականությամբ, մեր ֆուտբոլիստների համար խնդիրներ կստեղծի և հաղթանակ կտանի հենց առաջին խաղակեսից:

Ֆրանսիան «Եվրո-2016-ը» հյուրընկալող երկիրն է եւ ընկերական խաղեր է անցկացնում ընտրական I խմբի թիմերի՝ Հայաստանի, Պորտուգալիայի, Ալբանիայի եւ Դանիայի հավաքականների հետ: Այդ հանդիպումից 3 օր անց Հայաստանի հավաքականը Երեւանում մրցելու է ալբանացիների հետ՝ անցկացնելով «Եվրո-2016-ի» վերջին ընտրական խաղը: