«Ժողովուրդ». Մյուս տարի ունենալու ենք յոլլա գնալու բյուջե
Հայկական Մամուլ
«Ժողովուրդ» օրաթերթը գրում է. «2016 թվականի պետական բյուջեի նախագիծը արդեն մուտք է եղել ԱԺ և ընդգրկվել աշնանային նստաշրջանի մեծ օրակարգ: Ինչպես հայտնի է՝ եկող տարվա բյուջեն 2015 թվականի համեմատ 8 միլիարդ դրամով պակաս է, իսկ դեֆիցիտը, ընդհակառակը, ավելացել է մոտ 75 միլիարդ դրամով:
«Ժողովուրդ»-ը երեկ փորձեց ՀՀ ֆինանսների փոխնախարար Պավել Սաֆարյանից պարզել, թե 2016 պետբյուջեն արդյոք կարող է համարվել սոցիալական ուղղվածությամբ բյուջե: «Դա բյուջե է, այսպես ասած, ավելի համեստ, հնարավորինս փորձել ենք իրատեսական գտնվել ծախսեր կատարելու մեր ցանկությունների մեջ: Սոցիալական ծախսերը պահպանված են այս տարվա մակարդակում: Համեստ է այն առումով, որ սովոր ենք յուրաքանչյուր տարի ոչ այդքան շատ, բայց ինչ-որ չափով թոշակի բարձրացում անել, նվազագույն աշխատավարձի բարձրացման հարցում որոշակի փոփոխություններ անել կամ որոշակի այլ սոցիալական հարցերի հետ կապված խնդիր լուծել, այդ առումով այս տարի համեստ է լինելու»,- պարզաբանեց Սաֆարյանը: Ասել է թե՝ մյուս տարի ունենալու ենք «յոլլա գնալու բյուջե»»:
Մանրամասները՝ թերթի այսօրվա համարում:
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
