Սովորական ստուգումնե՞ր, թե՞ ընդդեմ Արթուր Օսիկյանի և «Նուբարաշեն» ՔԿՀ-ի վարչակազմի
Իրավունք
«Նուբարաշեն» քրեակատարողական հիմնարկում այս օրերին Գլխավոր դատախազությունը ստուգումներ է իրականացնում: «Ժողովուրդ»-ի տեղեկություններով՝ ամենամյա հերթական ստուգումը նախորդ տարիներից արմատապես տարբերվում է, քանի որ այս անգամ ստուգումները սովորականից ուժեղացված են:
ԼՈւՐԵՐ.com-ի թղթակիցը փորձեց «Նուբարաշեն» ՔԿՀ-ի պետից տեղեկանալ, թե ինչ է կատարվում հիմնարկում և ինչու են ուժեղացված ստուգումներ ընթանում: Թեպետ ՔԿՀ-ի պետ Ռուբիկ Ստեփանյանը կտրականապես մերժում էր մեր զրույցը, սակայն վերջում հստակեցրեց իր խոսքը՝ ստուգումներն ընթանում են սովորականի պես, ինչպես ամեն տարի:
ԼՈւՐԵՐ.com-ի հետ զրույցում Արդարադատության նախարարության քրեակատարողական վարչության մամուլի քարտուղար Գոռ Ղլեչյանը մեզ նույն պատասխանը տվեց. «Նման ստուգումներ միշտ էլ եղել են, հերթական պլանային ստուգումներն են»:
Ըստ նույն աղբյուրի՝ քրեակատարողական վարչությունում այս օրերին փորձում են հասկանալ՝ արդյո՞ք դատախազության նմանօրինակ մոտեցումն ուղղված է ՀՀ քրեակատարողական վարչության պետ Արթուր Օսիկյանի դեմ, թե թիրախում «Նուբարաշեն» ՔԿՀ-ի վարչակազմն է»:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
