Քննչական կոմիտեն գաղտնալսել է փաստաբանին և հրապարակայնացրել
Իրավունք
Մեր ունեցած տեղեկություններով՝ Քննչական կոմիտեի վարույթում քննվող գործերից մեկով՝ իրավապահ մարմինները գաղտնալսել են փաստաբան Ալեքսանդր Սիրունյանին:
ԼՈւՐԵՐ.com-ի թղթակցի հետ զրույցում փաստաբանը չհերքեց մեր ունեցած տեղեկությունը:
Նա հայտնեց, որ մի գործով, ընդ որում՝ ո՛չ հասարակական, ո՛չ էլ իրավական առումով լուրջ հետաքրքրություն չառաջացնող գործի շրջանակներում, իր վստահորդին գաղտնալսել են:
«Համարենք, որ դա օրինական է, քանի որ կար դատարանի որոշում: Բայց խնդիրն այն է, որ «Օպերատիվ-հետախուզական գործունեության մասին» ՀՀ օրենքի 31 հոդվածի 7-րդ մասի համաձայն՝ արգելվում է անցկացնել գաղտնալսում, երբ հաղորդակցվում է իր փաստաբանի հետ, ու անհապաղ ոչնչացման են ենթակա գաղտնալսման արդյունքում ստացված պարունակող տեղեկությունները, որոնք փաստաբանական գաղտնիք են պարունակում ու ստացվել են այլ անձի՝ ոչ փաստաբանի գաղտնալսելիս:
Իմ դեպքում՝ գաղտնալսել են մեկին, ինչի արդյունքում գաղտնալսել են ինձ: Ու տեղեկությունները ոչ միայն չեն վերացրել, այլև հրապարակայնացրել են, գործն ուղարկել դատարան»,- ասաց Ալեքսանդր Սիրունյանը:
Մեր այն հարցին, թե ի՞նչ է պատրաստվում անել, պատասխանեց. «Ամենայն հավանականությամբ, կդիմեմ Հատուկ քննչական ծառայություն»:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
