Մենք միշտ լրացրել ենք մեկս մյուսիս, ինչպես լուսինն ու արևը. Բուֆոնի նամակը՝ դարպասին

«Յուվենտուսի» դարպասապահ Ջանլուիջի Բուֆֆոնը սահմանել է Իտալիայի առաջնության ռեկորդ՝ սեփական դարպասը անառիկ պահելով 974 րոպե: Այս ցուցանիշով Բուֆոնը և գերազանցել 1993/94 թվականների «Միլանի» դարպասապահ Սեբաստյանո Ռոսսիի արդյունքը՝ 929 րոպե:

Ռեկորդը սահմանելուց հետո լեգենդար դարպասապահը նամակ է գրել՝ ուղղված դարպասներին:

«Ես 12 տարեկան էի, երբ շրջվեցի ձեզ մեջքով: Հանուն անվտանգ ապագայի մոռացա անցյալս: Դա իմ սրտի ընտրությունն էր, ինչը հիմնված էր բնազդով: Այդ օրվանից ի վեր, երբ ես սկսեցի չնայել ձեզ, սկսեցի սիրել ձեզ: Սիրել նրա համար, որպեսզի պաշտպանեմ ձեզ: Լինել դարպասի պաշտպանության առաջին և վերջին գիծը: Ես խոստացել եմ ինքս ինձ անել ամեն հնարավոր բան՝ երբևէ մեր հայացքները չհանդիպեն: Կամ հնրավորինս քիչ հանդիպեն: Ամեն դեպքում, մենք միշտ էլ եղել ենք հակադրության մեջ, բայց միևնույն ժամանակ լրացրել ենք մեկս մյուսիս, ինչպես լուսինն ու արևը: Մենք ստիպված էինք ապրել կողք կողքի՝ միմյանց դիպչելու հնարավորություն չունենալով: 25 տարուց ավելի է, ինչ արել եմ իմ ընտրությունը: Երդվել եմ պաշտպանել և պահպանել ձեզ: Թշնամիների դեմ ես դարձա ձեր վահանը: Ես միշտ մտածել եմ ձեր բարեկեցության մասին՝ այն ավելի բարձր դասելով, քան իմ սեփական շահերը: Ես 12 տարեկան էի, երբ շրջվեցի ձեզ մեջքով, բայց ես շարունակելու եմ պաշտպանել ձեզ, քանի դեռ իմ ոտքերը, գլուխն ու սիրտը թույլ են տալիս անել դա»,- Բուֆոնը գրել է ֆեյսբուքյան իր էջում: