ԱՄՆ պետդեպը վերահաստատել է ԼՂ հիմնախնդիրը Մինսկի խմբի շրջանակում լուծելու անհրաժեշտությունը
Քաղաքական
Միացյալ Նահանգները ողջունում է Լեռնային Ղարաբաղի հետ շփման գծում հրադադար հաստատելու մասին որոշումը: Ինչպես հաղորդում է «Արմենպրես»-ը, այս մասին լրագրողների հետ ամենօրյա ճեպազրույցի ժամանակ ասել է ԱՄՆ պետդեպի փոխխոսնակ Մարք Թոները:
«Մենք ակտիվորեն համագործակցում ենք երկու կողմերի հետ՝ հորդորելով խստորեն պահպանել հրադադարի ռեժիմը»,- նշել է Թոները: Նա հայտնել է, որ Վիեննայում ապրիլի 5-ին Մինսկի խմբի մշտական խորհրդի նիստից հետո ՄԽ համանախագահները այցելել են տարածաշրջան՝ հանդիպելու կողմերին և հորդորելու, որ մտնեն բանակցությունների և հակամարտության համապարփակ կարգավորման գործընթացի մեջ:
«Երկու երկրների կառավարություններն էլ պետք է վերադառնան Մինսկի խմբի գործընթացին: Մենք ունեինք հրադադարի ռեժիմի հստակ խախտում: Այժմ, սակայն, հրադադարը վերականգնվել է, և անհրաժեշտ է, որն այն ամրապնդվի ու ուժեղացվի: Սակայն առավել կարևոր է, որ կողմերը վերադառնան բանակցային սեղանի շուրջ»,- ասել է Թոները' նշելով, որ Միացյալ Նահանգները լիակատար աջակցություն է ցուցաբերում Մինսկի խմբի գործընթացին' հասնելու ԼՂ հիմնախնդրի արդար հանգուցալուծմանը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
