Սա գլխավոր մարզչի պաշտոնում իմ լավագույն երեկոն էր, թիմս էլ ֆանտաստիկ է. Զիդան

Մադրիդի «Ռեալի» գլխավոր մարզիչ Զինեդին Զիդանն անդրադարձել է Չեմպիոնների լիգայի քառորդ եզրափակչում «Վոլֆսբուգի» դեմ խաղում 3:0 հաղթանակին և նշել.

«Զգում եմ, որ լավ աշխատանք կատարեցինք: Հպարտ եմ խաղացողներով և իրենց արածով: Սա յուրահատուկ երեկո էր, և ստացանք այն, ինչ ցանկանում էինք: Կրիշտիանու Ռոնալդուն ապացուցում է, որ աշխարհում լավագույնն է: Միանաշանակ նա նաև ունի թիմակիցների կարիքը և միշտ քննարկում է նրանց հետ թիմային խաղը: Նա յուրահատուկ ֆուտբոլիստ է, քանի որ ոչ բոլորը կարող են մեկ խաղում երեք գոլ խփել: Սա գլխավոր մարզչի պաշտոնում իմ լավագույն երեկոն էր: Առաջին խաղում անհաջողությունից հետո ֆուտբոլիստները հիանալի աշխատանք կատարեցին: Գիտեմ՝ ինչ բան է ֆուտբոլը և դեռ գոհ եմ իմ գործողություններից: Գիտեմ՝ որքան դժվար է մարզիչ լինելը, բայց ես ֆանտաստիկ թիմ ունեմ: Սիրում եմ գործս և շարունակում եմ սովորել»,- Զիդանի խոսքը մեջբերում է ՈւԵՖԱ-ի պաշտոնական կայքը:

Հիշեցնենք, որ մադրիդցիները ՉԼ-ի կիսաեզրափակչում են: