Իսրայելի հայ համայնքը դեմ է Ադրբեջանին ԱԹՍ-ներ վաճառելուն. բողոքի ակցիա կիրականացնեն

Այսօր՝ ժամը 14:00-ին, Իսրայելի հայ համայնքը Երուսաղեմի Արտաքին գործերի նախարարության շենքի առջև բողոքի ակցիա է իրականացնելու՝ ընդդեմ հրեական պետության կողմից Ադրբեջանին սպառազինությունների նորագույն տեսակների վաճառքի: Այս մասին տեղեկացնում է արաբագետ Արմեն Պետրոսյանը։ 

«Ըստ որոշ չստուգված տվյալների՝ Ադրբեջանի կողմից Իսրայելից գնված միայն անօդաչու թռչող սարքերի ընդհանուր արժեքը կազմում է 5 մլրդ դոլար»,- նշում է արաբագետը։ 

Նշենք, որ այսօր Իսրայելում, ըստ պաշտոնական տվյալների, բնակվում է մոտ 12 հազար հայ՝ հիմնականում արհեստավորներ, բժիշկներ, ձեռնարկատերեր, հոգևորականներ, մտավորականներ: