Հայ դպրոցականներն ասմունքելու են Պուտինի համար
Բլոգոսֆերա
ԼՈւՐԵՐ.com-ն արդեն տեղեկացրել է, որ Ռուսաստանի նախագահ Վլադիմիր Պուտինը հոկտեմբերի 14-ին կայցելի Հայաստան՝ մասնակցելու Հավաքական անվտանգության պայմանագրի կազմակերպության (ՀԱՊԿ) նստաշրջանին:
Հայտնի երգահան Անիտա Հախվերդյանը ֆեյսբուքյան իր էջում գրառում է կատարել և տեղեկացրել, որ դպրոցականների մասնակցությամբ միջոցառում է կազմակերպվելու և երեխաները պետք է ասմունքեն Պուտինի համար:
«Ձյուն գա գլխիդ, Անիտա,- առաջինը էս անցավ մտքովս, երբ Մարիամը եկավ դպրոցից ու հպարտ տեղեկացրեց.
-Մամա, շնորհավորի ինձ, ես Պուտինի առջև ասմունքելու եմ:
2 միկրոկատված տեղնուտեղը ստացա, նախ՝ ասմունք բառից, հետո Պուտինից: Էլ չեմ ասում էսքան դարդի մեջ «շնորհավորելը» ինչ հարված էր... Ասում եմ.- Բացառվում ա, կասես մայրս դեմ ա:
- Մաաամաա, ինձ են ընտրել, ես ուզում եմ, ի՞նչ վատ բան կա:
Սկսեցի Կուռսկ սուզանվից, անցա Բեսլանին, Ուկրաինային, հետո զգացի' 13 տարեկանի համար շատ ստացվեց:
-Մամա, բայց մե՞զ վատ բան արե՞լ ա:
Ուզում էի ապրիլյան պատերազմից մտնել, բայց լեզուզս կծեցի, շատ մութ թավուտներ կան մերոց պահով, իսկ Մարիամը հարցնող ա:
Ու էսքանից հետո լսում են.
- Մամա, ես պետք ա գնամ, խոսք եմ տվել Նաիրա Օսիպովնային:
Վաղը Մարիամին պատմելու եմ Մամիկոնյանց տան Վասակ դավաճանի մասին»,- գրել է երգահանը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
