Orange Fitness-ը մարտահրավեր նետեց բոլորին...

Լինելով միակ առաջատարը՝ Orange Fitness-ը օրերս շուկային նետեց ևս մի մարտահրավեր՝ ամբողջովին ներկայանալով ժամանակակից էկո-լյուքս ոճի նոր ինտերիեր դիզայնով, «Ավելին քան ֆիթնես» մշակույթի ներդրմամբ և նոր փակ ակումբային քաղաքականությամբ:

Պրեմիում ակումբն արդեն իսկ ենթադրում է թիրախավորված մոտեցում: Եվ ակումբը, հոգալով իր հաճախորդների սեգմենտի հարմարավետության մասին, որպես իր զարգացման ուղղություն ընտրել է փակ ակումբային կոնցեպտը, որը պահանջում է բարձր ստանդարտներ, նոր մոտեցումներ և անընդհատ կատարելագործվելու պատրաստակամություն:

Մեզ հետ զրույցում Orange Fitness-ի գլխավոր տնօրեն Կարինե Փամբուկյանը նշեց. «Մենք գիտակցում ենք, որ մեզ ավելի խիստ են դատում և մեզնից ավելին պահանջում, և դա բնական է: Մենք կատարում ենք մեծ ներդրումներ, որպեսզի պահպանվի այն նշաձողը, որ մեր առջև դրել ենք. ստեղծել ակումբ, որը կմիավորի քաղաքի հաջողակ մարդկանց»:

Ակումբում վերանորոգման աշխատանքները մեծամասամբ ավարտվել են: Առաջիկայում փոփոխություններ սպասվում են բացօթյա լողավազանի տարածքում, որը կդառնա ցերեկային ժամերին հանգստի, իսկ երեկոյան՝ փակ երեկույթների լավագույն վայրը ակումբի անդամների համար: Այսուհետ ակումբի տարածքում կգործի նոր ռեստորան-սրճարանը, որը կմատուցի պրեմիում ֆիթնես ակումբին համապատասխան առողջ և համեղ սնունդ: Կվերափոխվի նաև ակումբի մանկական սրահը՝ հանրահայտ CityZen բրենդի ներմուծմամբ:

Կոմերցիոն տնօրեն Մարինա Անդրեասյանը խոսեց Հայաստանում դեռևս գոյություն չունեցող գաղափարի ներդրման մասին. «Հայաստանում ֆիթնեսի ոլորտում կատարել ենք համարձակ քայլ՝ ներդնելով «Ավելին քան ֆիթնես» կոնցեպտը, որի համար ունենք բոլոր ռեսուրսները՝ 8 տարվա փորձ, որակյալ ծառայություններ և լոյալ ակումբի անդամներ: Ակումբն այսուհետ լինելու է միակ վայրը Հայաստանում, որտեղ միաժամանակ հնարավոր է ձեռք բերել լավ ինքնազգացողություն, անթերի արտաքին տեսք, արժեքավոր բիզնես կապեր և լավ ընկերներ: Ակումբում արդեն իսկ ձևավորվել է ներակումբային յուրօրինակ կյանք: Պարբերաբար անցկացվում են ֆուտբոլի, բասկետբոլի, վոլեյբոլի, սեղանի թենիսի մրցաշարեր, որոնց կավելացվեն բացօթյա ֆիթնես միջոցառումներ, ինչպես նաև ամբողջովին թարմացված և հետաքրքիր խմբային մարզումներ»:

Հաջորդ աննախադեպ քայլը, որին դիմում է Orange-ը, անդամագրության նոր քաղաքականությունն է: «Քանի որ մեր հաճախորդների թիվն արդեն հասնում է սահմանված առավելագույնին, պլանավորում ենք քարտերի վաճառքն աստիճանաբար սահմանափակել և նոր անդամագրությունն իրականացնել միայն գործող անդամներից որևէ մեկի պայմանագրի դադարեցման դեպքում: Անդամակցության նախապատվությունն առաջին հերթին տրվելու է ակումբի անդամների մտերիմներին՝ ջերմ ընկերական և ընտանեկան միջավայր ապահովելու համար» , - նշեց Մարինա Անդրեասյանը:

Orange Fitness-ը տարին սկսեց բեկումով: Սակայն պրեմիում ակումբը միշտ ունի անելիքներ՝ պահելով իր առջև դրված բարձր նշաձողը: Այս պահին էլ աշխատանքներ տարվում են ընկերության մենեջմենթի, սպասարկման ստանդարտների կատարելագործման և անձնակազմի վերապատրաստման ուղղությամբ:

Ինչպես ակումբում են ասում՝ «կյանքը նոր էջից», իսկ նոր էջում ամեն ինչ խոստումնալից է: