Ծաղկաձորում մոլորված դահուկորդը հայտնաբերվել է

Ռուսաստանի դաշնության քաղաքացին, որը մոլորվել էր Ծաղկաձորում, հայտնաբերվել է Թեղենիս լեռան լանջին: Այս մասին ԼՈւՐԵՐ.com-ին հայտնեցին Արտակարգ իրավիճակների նախարարությունից:

Դահուկորդը շեղվել էր դահուկային ուղուց և մոլորվել: Այժմ նրա մոտ ամեն բան նորմալ է:

Նշենք, որ փետրվարի 24-ին, ժամը 14.22-ին ահազանգ է ստացվել, որ Կոտայքի մարզի Ծաղկաձոր քաղաքի ճոպանուղու 3-րդ դահուկային ուղու 3-րդ ոլորանից երիտասարդ դահուկորդը թեքվել է անհայտ ուղղությամբ և մոլորվել:

Պարզվել է, որ կորած քաղաքացին հանդիսանում է 2001 թ. ծնված Կ. Չ.-ն (ՌԴ քաղաքացի):

Որոնողական աշխատանքներին միացել են նաև ճոպանուղու աշխատակիցները, ովքեր ժամը 16.12-ին Թեղենիս լեռան լանջին հայտնաբերել են պատանուն և տեղափոխել անվտանգ տարածք: