Հայ աթլետները մասնակցեցին Եվրոպայի առաջնությանը

Մարտի 5-ին Բելգրադում ավարտվեց ծածկած մրցատարածությունում Եվրոպայի ձմեռային առաջնությունը:

Հայաստանից մասնակցում էր 5 մարզիկ:

ՀԱՕԿ լրատվականի հետ զրույցում աթլետիկայի ֆեդերացիայի գլխավոր քարտուղար Նարինե Շահբազյանը հայտնեց, որ մեր մարզիկներին չհաջողվեց հաղթահարել որակավորման փուլը:

Եռացատկում Լևոն Աղասյանը երեք անգամ 0 միավոր ստացավ:

Ամալյա Շարոյանը 400 մետրը վազեց 56.07 վայրկյանում, իսկ հեռացատկին չմասնակցեց վնասվածքի պատճառով:

Հայաստանը ներկայացնող մյուս մասնակիցների արդյունքներն են.

Գայանե Չիլոյան (վազք, 60մ)' 7.58, Տիգրան Մկրտչյան (վազք, 800 մ)' 1.53.54, Երվանդ Մկրտչյան (վազք, 1500 մ)' 3.54.53: