«Օսկարի» անցկացման կանոնները խստացվել են «Լա Լա Լենդի» հետ կապված սխալի պատճառով

«Օսկար» մրցանակի կազմակերպիչները կշարունակեն օգտվել PriceWaterhouseCoopers ընկերության ծառայություններից, չնայած մրցանակների հանձնման վերջին արարողության ժամանակ դափնեկրի սխալ հայտարարման պատճառով ծագած սկանդալին:

Այն ժամանակ «Լուսնի լույսի» փոխարեն լավագույն ֆիլմ էր հայտարարվել «Լա Լա Լենդ» մյուզիքլը: Խառնաշփոթության մեղավոր է ճանաչվել PriceWaterhouseCoopers ընկերության աշխատակից Բրայան Քուլինանը, տեղեկացնում է BBC-ն:

Ընկերության հրապարակած հայտարարության համաձայն, ընկերություն, որն արդեն շատ տարիներ է, ինչ զբաղվում է Ամերիկյան կինոակադեմիայի անդամների ձայները հաշվելով, Քուլինանը շփոթել է հաղթողների անուններով ծրարները:

PriceWaterhouseCoopers ընկերության նախագահ Շերիլ Բուն Իսաաքսն «Օսկարի» կազմակերպիչներին հղած նամակում գրել է, որ ընկերությունում սահմանվել են նոր կանոններ, որոնք, մասնավորապես, արգելում են ցանկացած շարժական սարքերի օգտագործումն արարողության հետնաբեմում:

Ծրարների խառնաշփոթությունից բառացիորեն մեկ րոպե առաջ Բրայան Քուլինանին լուսանկարել են հեռախոսը ձեռքին, նա Twitter էր ուղարկում դերասանուհի Էմմա Սթոունի լուսանկարը, որը խաղացել է գլխավոր դերը «Լա Լա Լենդ» մյուզիքլում:

Ընկերության նոր կանոնների համաձայն՝ այժմ արարողությանը կմասնակցեն PriceWaterhouseCoopers-ի ոչ թե երկու, այլ երեք աշխատակիցներ: Երրորդ աշխատակիցը ռեժիսորի սենյակում կգտնվի մրցանակաբաշխության ողջ արարողության ընթացքում: