Ոստիկանությունը նյութեր է նախապատրաստում ընտրատեղամասում քաղաքացու հեռախոսը կոտրելու դեպքի առնչությամբ

Համացանցում ապրիլի 2-ին զետեղված հրապարակումներից մեկի համաձայն՝ Դավիթաշենի 5/17 ընտրատեղամասում միջադեպ է եղել. կոտրել են քաղաքացու հեռախոսը:

Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, տուժողը դիմել է ոստիկանություն և հայտնել, որ իրեն անհայտ անձը իր հեռախոսը կոտրել է:

Հաղորդումն ընդունվել է:

Հանգամանքները պարզվում են:

Փաստի առթիվ ոստիկանության Դավիթաշենի բաժանմունքում նյութեր են նախապատրաստվում: