Դատապարտում ենք լրագրողի նկատմամբ ցանկացած բռնություն. Էդուարդ Շարմազանով

Այսօր հրավիրված մամլո ասուլիսի ժամանակ ՀՀԿ խոսնակ Էդուրադ Շարմազանովն, ամփոփելով ընտրություններր արդյունքները ժամը 16:00-ի դրությամբ, նշեց, որ մինչ այս ժամը ընտրական պրոցեսը փաաստում է մեկ բան, որ «Հանրապետական» կուսակցությունն անում է ամեն բան, որ ընտրություններն անցնեն ժողովրդավարության նորմերին համապատասխան. «Չի եղել որևէ ահազանգ, որի հետևից համապատասխան մարմինները չգնան: ՀՀԿ-ն  ամենաշատն է շահագրգռված, որ ընտրությունները կազմակերպվեն ժողովրդավարության նորմերին համապատասխան, և մինչև այս ժամը մենք դա  ապացուցել ենք»: 

Էդուարդ Շարմազանովն անդրադարձավ նաև «Ազատություն» ռադիոկայանի լրագրողի աշխատանքը խոչընդոտելու մասին տեղեկատվությանը՝ այն համարելով  Ոստիկանության և Գլխավոր դատախազության ուսումնասիրության առարկա. «Չնայած պոպուլիստական որոշ գործողությունների, մենք, այնուամենայնիվ, քարոզարշավը գնահատում ենք դրական և չենք տեսնում որևէ հիմք հետընտրական զարգացումների համար: Ինչ վերաբերում է լրագրողի աշխատանքը խոչընտոտելու մասին հայտարարությանը, ապա պետք է նշեմ, որ այն գտնվում է ՀՀ ոստիկանության և դատախազության տիրույթում»,-նշեց Էդուարդ Շարմազանովը՝ շեշտելով, որ դատապարտում են լրագրողի նկատմամբ ցանկացած բռնություն:  

Խոսելով հետընտրական զարգացումների մասին՝ վերջինս կարծիք հայտնեց, որ  նման զարգացումներ չեն լինի, քանի որ անգամ իրենց ընդդիմադիր ուժերն են վկայում, որ այս ընտրություններն անցնում են առանց լուրջ խախտումների, և ՀՀԿ-ն կհավաքի այնքան, որքան նրան ձայն կտա ժողովուրդը: