«Շնորհակալությո′ւն, հայ զինվոր». բարեգործական համերգ՝ ի աջակցություն Քառօրյայի մասնակիցների
Հասարակություն
Քառօրյա պատերազմի մասնակիցներին բարոյապես և ֆինանսապես աջակցելու նպատակով «Շնորհակալությո′ւն, հայ զինվոր» բարեգործական համերգի տոմսերի ողջ հասույթը կփոխանցվի վերականգնողական նոր կենտրոնի կառուցմանը։ Համերգային ծրագիրը տեղի կունենա հունվարի 24-ին «Արամ Խաչատրյան» համերգասրահում:
«Շատ կցանկանայի, որ նման համերգների կարիք չունենայինք: Սակայն այս ծրագիրը, անկախ մասնագիտությունից ու կենսակերպից, բոլորիս մեկ հարթակում է համախմբել, և մենք երգի-պարի միջոցով ցանկանում ենք ասել, որ հայ զինվորի կողքին ենք»,-նշեց երգիչ, երգահան Դավիթ Ամալյանը:
Նրա խոսքով` զինվորները մեծ արժեք են և նրանց շնորհիվ է, որ կան հայկական կրթօջախները, մշակութային և այլ հաստատություններն ու ի վերջո հայ ազգը:
Համերգին ելույթ կունենան նաև Արսեն Գրիգորյանը, Նունե Եսայանը, Շուշան Պետրոսյանը, Մկրտիչ Մկրտչյանը, Արսեն Սաֆարյանը, Վարդան Բադալյանը, Զարուհի Բաբայանը, Նարե Գևորգյանը, «Մարաթուկ» ազգագրական երգի-պարի համույթը, «Վարք հայոց» ավանդական երգի-պարի խումբը և այլք:
Ներկա կլինեն հայրենիքի պաշտպանության համար ծանր վիրավորում ստացած տղաները։
Համերգային ծրագիրն անցկացվում է ՀՀ մշակույթի նախարարության և «Դիրքապահ» հասարակական կազմակերպության նախաձեռնությամբ:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
