Սահմռկեցուցիչ դեպք Մեքսիկայում. սառնարանում 7 մարդու գլուխ են հայտնաբերել

marquesina.mx-ը հայտնում է, որ Մեքսիկայի Սոնորա նահանգի Բակում քաղաքում ուրբաթ, սեպտեմբերի 14-ին, շարժական սառնարանում մարդու 7 գլուխ է հայտնաբերվել։

Տեղի իշխանությունները նշում են, որ գլուխները պատկանում են 25-40 տարեկան տղամարդկանց։ Սառնարանում նաև մարդու ձեռքի մեկ թաթ է գտնվել և կրունկ։

Շուրջ մեկ շաբաթ առաջ Մեքսիկայի Վերակրուս նահանգում գերեզման են գտել, որում 166 մարդու մնացորդ է հայտնաբերվել։ Իրավապահ մարմինների աշխատակիցների կարծիքով՝ այդ մարդիկ «Զետաս» և «Ջալիսկո» թմրակարտելների միջև պատերազմի զոհերն են։