Երիտասարդը վազել է դեպի ինքնաթիռը և փորձել բռնել շասիից․ նոր մանրամասներ (տեսանյութ)

Հայտնի է դարձել «Շերեմետևո» օդանավակայանի թռիչքուղում ինքնաթիռի հարվածի հետևանքով ՀՀ քաղաքացի 25-ամյա Ալբերտ Եփրեմյանի մահվան դեպքի մանրամասները: Այս մասին գրում է Vesti.ru-ն։

Մադրիդից թռիչքի ժամանակ նրա հետ է եղել 74-ամյա «Ռուսական ազգային բալետ» խմբի ղեկավար Սերգեյ Ռադչենկոն:

«5-րդ ալիք» հեռուստաալիքին տված հարցազրույցում նա ասել է, որ ուղևորը ամբողջ ուղևորության ընթացքում իրեն պահել է խենթի նման:

Նախնական տվյալներով, տղամարդը դուրս է եկել օդանավակայանի տարածքում գտնվող ավտոբուսից եւ սկսել վազել։ Նրան չեն հասցրել կանգնեցնել:

«Նա վազում էր թռչող ինքնաթիռի մոտ: Տպավորություն էր ստեղծվում,  որ նա ցնորված է եւ փորձում է բռնվել շասսիից: Հավանաբար, այդպիսով նա ցանկանում էր լքել օդանավակայանի տարածքը», — պատմել է իրավապահ մարմիններում աղբյուրը:

Երիտասարդը Իսպանիայից Մոսկվայով Երևան էր թռչում: 

«Մահվանից առաջ տղամարդու պահվածքը շրջապատի մոտ կասկածներ չի առաջացրել, բայց բացառված չէ, որ նա թմրամիջոցների ազդեցության տակ էր», — եզրափակել է աղբյուրը:

Մանրամասները՝ տեսանյութում