90-ականների ճանաչված երգիչ Վահե Դավթյանն օգնության կարիք ունի․ նրա մոտ քաղցկեղ է հայտնաբերվել (տեսանյութ, լուսանկարներ)

90-ականների սիրված և ճանաչված երգիչ, երաժիշտ Վահե Դավթյանի մոտ ենթաստամոքսային գեղձի քաղցկեղ է հայտնաբերվել, որի բուժումը հնարավոր է իրականացնել Գերմանիայում։

Բուժման ծախսը գնահատավել է 50 հազար ԱՄՆ դոլար, սակայն այն հնարավոր է գերազանցի։

Այժմ Վահեի կյանքի փրկությունը կախված է բոլորիս բարի կամքից և հնարավորությունների սահմանում, նույնիսկ, ամենափոքր ներդրումից:

44-ամյա Վահե Դավթյանն ունի 11 տարեկան որդի և 8 տարեկան դուստր։ 

Վերջինս այսօր ֆեյսբուքյան իր էջում գրառում է կատարել՝ նշելով, որ որոշել է Իսրայելում լրացուցիչ  ստուգում անցնել։ 

Վահեն, մասնավորապես, գրել է․

«Սիրելի բարեկամներ, շնորհակալ եմ բոլորից, ովքեր իմ և իմ ընտանիքի համար այս ծանր պահին իրենց աղոթքներով ու նյութական օժանդակությամբ զորավիգ են լինում մեզ։ Որոշում եմ կայացրել լրացուցիչ ստուգում և, անհրաժեշտության դեպքում, առաջնային բուժման կուրս անցնել Իսրայելում, Հայֆա քաղաքում։ Անհրաժեշտության բերումով մենակ եմ մեկնում և, ամենայն հավանականությամբ, այնտեղ կունենամ հոգատար բարեկամի կարիք։ Եթե ձեր ընկերների մեջ կան այդպիսիք, խնդրում եմ տեղեկացրեք։ Աստված պահապան բոլորիս»։

Ստորև ներկայացնում ենք Վահեի բուժման նպատակով բացված հաշվեհամարները: Հանգանակություն կարող եք կատարել նաեւ GoFundMe կայքում

Հաշվեհամարներ` VTB Հայաստան բանկ
Ստացողի անուն, ազգանուն, հայրանուն՝ Սիրանուշ Դավթյան Բորիսի

AMD 16072020857026
USD 16072020857027
EUR 16072020857028
RUR 16072020857029

Վահեին շատերը կհիշեն «Ճոճանակ», «Գնա», «Անուրջներ», «Կապույտ աչքերով իմ բարի դև» երգերով: