ՊՊԾ գնդի գրավման գործով տուժող ոստիկաններից մեկը չի առարկել մեղադրյալների նկատմամբ համաներում կիրառելուն

Երևանի ընդհանուր իրավասության դատարանում տուժող ոստիկանության աշխատակիցներից  մեկը չի  առարկել, որպեսզի ՊՊԾ գնդի գրավման գործով մեղադրյալների նկատմամբ համաներում կիրառվի:

Դատական նիստին Լյուդվիգ Չալաբյանը գրավոր դիմում էր ներկայացրել դատավոր Մեսրոպ Մակյանին, որում նշված էր.

«Ես առարկություններ չունեմ, որպեսզի 2018 թվականի նոյեմբերի 1-ին ընդունված համաներման օրենքը տարածվի քրեական գործով ամբաստանյալների նկատմամբ»:

Իսկ մյուս տուժող ոստիկանության աշխատակից Վլադիմիր Սիրեկանյանը  դեմ էր համաներում կիրառելուն:

Ավելի վաղ,  գործով տուժող Հայաստանի Հանրապետության ոստիկանապետ Վալերիյ  Օսիպյանը և նախկին փոխոստիկանապետ Վարդան Եղիազարյանը իրենց բացասական դիրքորոշումն էին հայտնել ՊՊԾ գնդի գրավման գործով մեղադրյալների նկատմամբ համաներում կիրառելուն։

2018 թվականի նոյեմբերի 1-ին Հայաստանի Հանրապետության Ազգային ժողովի կողմից ընդունվել է օրենք`

 Էրեբունի-Երևանի հիմնադրման 2800-ամյակի ևՀայաստանի առաջին Հանրապետության հռչակման 100-ամյակի կապակցությամբ քրեական գործերով համաներում հայտարարելու մասին, ըստ որի սահմանված է 

առանձին դրույթ 2016 թվականի հունիսի 17-31-ը ՀՀ ոստիկանության ՊՊԾ գնդի տարածքում 

տեղի ունեցած իրադարձություններին ենթադրաբար մասնակցած անձանց վերաբերյալ, սակայն համաներմամբ 

նախատեսված է վերապահում առ այն, որ, եթե պատանդառված, ինչպես նաև ֆիզիկական վնաս կրած անձինք 

առարկում են այս համաներման օրենքի կիրառելու հարցում, ապա գործի քննությունը պետք է շարունակվի 

ընդհանուր կարգով:

ՊՊԾ գնդի գրավման գործով խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը։ 7 ամբաստանյալի նկատմամբ ընտրված խափանման միջոց կալանավորումը փոխվել է՝ պատգամավորների անձնական երաշխավորությամբ (մեղադրյալ Արայիկ Խանդոյանը մահացել է ազատության մեջ), իսկ Պավել Մանուկյանն ազատ է արձակվել 1 մլն դրամ գրավի դիմաց: 2016 թ. հուլիսի 17-ին զանգվածային անկարգություններ կազմակերպելու նախապատրաստության, ծանրացուցիչ հանգամանքներում սպանությունների, շենքեր, շինություններ, տրանսպորտի միջոցներ զավթելու, պատանդ վերցնելու եւ պահելու, ապօրինի կերպով հրազեն, ռազմամթերք ձեռք բերելու, պահելու, փոխադրելու, զենք, ռազմամթերք հափշտակելու, ուրիշի գույքը գաղտնի հափշտակելու եւ դիտավորությամբ ոչնչացնելու փաստի կապակցությամբ հարուցված քրեական գործերը քննվում են դատարաններում: