ՊՎԾ-ն՝ իր չորս աշխատակիցների ձերբակալման մասին

ՀՀ պետական վերահսկողական ծառայությունը հայտարարություն է տարածել՝ հայտնելով, որ փետրվարի 26-ին մամուլում տարածված տեղեկատվությունը ՊՎԾ ծառայության չորս աշխատակիցների, այդ թվում երկու վարչության պետերի ձերբակալությունների մասին ներկայացվել էր խեղաթյուրված։

«Նախ՝ ՀՀ պետական վերահսկողական ծառայության սոցիալական ոլորտի վերահսկողության վարչության պետի պաշտոնակատար Դավիթ Ադյանն այսօր իր ղեկավարած ստորաբաժանման հետ ուսումնասիրություն է իրականացրել «Երևանի Մ․ Հերացու անվան բժշկական համալսարան» հիմնադրամում։ Երկրորդ՝ քրեական գործի շրջանակներում ձերբակալվել են նաև Պետական վերահսկողական ծառայության երկու աշխատակից»,- «Արմենպրես»-ի փոխանցմամբ՝ ասվում է ՊՎԾ «Ֆեյսբուք»-ի էջում արված գրառման մեջ։

Պետական վերահսկողական ծառայությունից հայտնել են նաև, որ ՊՎԾ-ն այս օրերին ուսումնասիրություն է իրականացնում սբ. Գրիգոր Լուսավորիչ ԲԿ-ում հեմոդիալիզի պարագաների ձեռքբերման գնումների գործընթացի վերաբերյալ։ «Ուսումնասիրության ավարտին օրենքով սահմանված կարգով կտրվի համապատասխան ընթացք»,- ասվում է հայտարարության մեջ։