Պաշտպանները կրկին դիմել են Մանվել Գրիգորյանի խափանման միջոցը փոխելու միջնորդությամբ

Մանվել Գրիգորյանի պաշտպանները դատարանին ինքնաբացարկի միջնորդություն են ներկայացրել: Դատարանը հեռացել է  խորհրդակցական սենյակ: Որոշումը կհրապարակվի վաղը:

Հիշեցնենք՝ նախկին պատգամավորը ՀՀ վերաքննիչ քրեական դատարանի որոշմամբ կալանքի տակ է 2019 թվականի հունվարի 22-ից: Նա տևական ժամանակ է քաղաքացիական հիվանդանոցում է, քանի որ, ըստ պաշտպանների, առողջական լուրջ խնդիրներ ունի: Քրեական գործի նախաքնությունն ավարտվել է:

2019թ․-ի փետրվարի 14-ին Հատուկ քննչական ծառայությունը հայտարարեց, որ Մանվել Գրիգորյանի մեղադրանքը լրացվել է: Ըստ մեղադրանքի` Մանվել Գրիգորյանը կնոջ, որդու և այլ անձանց հետ նախնական համաձայնությամբ, ապօրինի կերպով ձեռք են բերել, փոխադրել և իրենց պատկանող երեք տներում ապօրինի կերպով պահել հրազեն, ռազմամթերք, ակոսափող հրազենի փամփուշտներ, պայթուցիկ նյութեր, ավտոմեքենաներ, պահածոյացված սնունդ։