Մարտի 1-ի երթ՝ Փաշինյանի գլխավորությամբ (տեսանյութ)

 Երևանի Ազատության հրապարակից մեկնարկեց ՀՀ վարչապետ Նիկոլ Փաշինյանի հրավիրած երթը, որը նվիրված է 2008թ. մարտի 1-ին Երևանում տեղի ունեցած իրադարձությունների արդյունքում զոհվածների հիշատակին:

Երթին մասնակցում են Հայաստանի Հանրապետության վարչապետը, բարձրաստիճան պաշտոնյաներ և տարբեր կուսակցությունների ներկայացուցիչներ:

Փետրվարի 21-ին ՀՀ վարչապետ Նիկոլ Փաշինյանը քաղաքացիներին հրավիրել է 2019 թվականի մարտի 1-ին քաղաքացիական հզոր երթով շարժվել Ազատության հրապարակից դեպի Մյասնիկյանի արձան: 

«Երթը նվիրված է լինելու Հայաստանի քաղաքացու հաղթանակին, ուղղված է լինելու ընդդեմ ընտրակեղծիքների, բռնության, կոռուպցիայի, ապօրինությունների: Երթը նշանավորելու է այն հանգրվանը, որ Հայաստանում քաղաքացու հաղթանակը և իշխանությունն անշրջելի են: Հայաստանում այլևս չեն լինելու ընտրակեղծիքներ, մենք հստակ դեմ ենք կանգնում բռնությանն ընդհանրապես, ինչպես նաև քաղաքական բռնությանը, կոռուպցիային, ապօրինություններին»,- ընդգծել է Փաշինյանը:

Ուղիղ միացումը՝ 24news.am-ի