Բաց նամակ և կոչ՝ բուժաշխատողներին (տեսանյութ)

«Արդեն գաղտնիք չէ, որ 2019 թվականի հունվարի 29-ին ՀՀ Առողջապահության նախարարը ստորագրել է 194-Ա հրամանը, ըստ որի՝ 14-45 տարեկան ՀՀ քաղաքացիները պատվաստվելու են «Գարդասիլ-4» պատվաստանյութով։
https://www.youtube.com/watch?v=GhKawtnkh1M&feature=share

12.03.2019 թվականին «Բուժ Ինֆո» հաղորդման շրջանակներում հայտարարվեց, որ պատվաստման կարող են դիմել «14 -45 տարեկան բոլորը»։
https://www.shanttv.com/programs/buj-info/videogallery/programs/program223.html (Տե՛ս 23-րդ րոպեից)

Հանրային իրազեկման, հրամանը գաղտնի պահելու, պատվաստման տարիքային շեմը բարձրացնելու ֆոնի վրա 2019 թվականի մարտի 19-ին ՀՀ ԱՆ Հիվանդությունների վերահսկման և կանխարգելման ազգային կենտրոնի կայքում հրապարակվեց «Ընդլայնվել է ՄՊՎ-ի դեմ պատվաստումների տարիքային շեմը» վերնագրով հոդված։
https://ncdc.am/?p=4534&fbclid=IwAR2NHPhYylvl23CN8Xd1HIQomN3gh9rrPYH_aAgvAfMivtezt-Pld3plVx4

ՄԻՆՉԴԵՌ !!!

Պարենի և դեղերի գործակալության (FDA) կայքից տեղեկանում ենք, որ պատվաստման տարիքային շեմը բարձրացվել է միայն «Գարդասիլ-9» պատվաստանյութի համար։
https://www.fda.gov/BiologicsBloodVaccines/Vaccines/ApprovedProducts/ucm426445.htm
Նույն կայքում նշված է, որ «Գարդասիլ-4» պատվաստանյութը ցուցված է 9-26 տարեկան անձանց։
https://www.fda.gov/BiologicsBloodVaccines/Vaccines/ApprovedProducts/ucm094042.htm

ՀՀ ԱՆ Հիվանդությունների վերահսկման և կանխարգելման ազգային կենտրոնի կայքում հրապարակված հոդվածում չի նշվում, որ տարիքային շեմի բարձրացումը վերաբերվում է միայն «Գարդասիլ-9»-ին, իսկ Հայաստանի Հանրապետությունում ծրագրված է և արդեն օգտագործվում է «Գարդասիլ-4»: Վերջինիս կիրառման տարիքային շեմը չի փոփոխվել։

Հետևաբար, տիրապետելով Պարենի և դեղերի գործակալության (FDA) ցուցումներին և, հստակ գիտակցելով, որ իրենց ապատեղեկատվությամբ պատկան մարմինները հանրությանն ապակողմնորոշում են, նրանք, այնուամենայնիվ, չեն խորշում այդ գործելաոճից։ Հարց է առաջանում. ո՞րն է նրանց շարժառիթը։

Սիրելի՛ բուժաշխատողներ, ցավալի է, բայց փաստ, որ անձնական շահի համար «Գարդասիլ-4» պատվաստանյութի կիրառման այս ծրագրի կազմակերպիչները և պատասխանատուներն հարվածի տակ են դնում ձեզ։
Դուք «հրամայված եք» կատարել մի բան, որը ցուցված չէ, որն ապացուցված չէ և որը կարող է վտանգ պարունակել մեր ազգաբնակչության առողջության համար։
Այդ առիթով առկա են բազմաթիվ հրապարակումներ։ Ես կներկայացնեմ դրանցից մեկը։
Տե՛ս https://www.tandfonline.com/doi/abs/10.1080/15287394.2018.1477640?journalCode=uteh20&fbclid=IwAR1Phh0BoKpwV8gcsFdld5RcUe9PnZmosddnGpTGDqba9cbVxWNMS5HD4CE
Վստահեցում եմ, որ օրինակ բժշկական pubmed.com կայքում կգտնեք բազմաթիվ հրապարակումներ, որոնք փաստում են «Գարդասիլ-4»-ի կողմնակի էֆեկտների մասին։
Անշուշտ կան նաև դրական հրապարակումներ։

Սակայն, այստեղ կարևորագույն փաստն այն է, որ բուժաշխատողներին «հրամայվում է» կատարել մի բան, որը «Գարդասիլ-4» պատվաստանյութի ընդհանուր բնութագրում ու Պարենի և դեղերի գործակալության (FDA) կողմից ցուցված չէ։ Սա ենթադրում է իրավական պատասխանատվություն։

Հավելեմ, որ այսօր ապակտիվացվել է ՀՀ Առողջապահության նախարար Արսեն Թորոսյանի ֆեյսբուքյան անձնական էջը, ինչը նույնպես բազմաթիվ հարցերի տեղիք է տալիս։

Սիրելի՛ բուժաշխատողներ, մասնավորապես առաջնային բուժօգնության օղակի աշխատակիցներ, ձեզ մոտ պետք է հարց առաջանար, թե ինչու ԱՆ ներկայիս ղեկավար կազմը բարձրացրեց միմիայն ձեր աշխատավարձը։ Արդյո՞ք նպատակ չուներ «Գարդասիլ-4» «ծրագիրն» իրականացնել ձեր ձեռքով և նրան ձեր բարյացակամ ու դրական վերաբերմունքն էր անրաժեշտ։

Այսօր նախարարի ֆեյսբուքյան անձնական էջն է ապակտիվացվում, վաղը եթե նա «ապակտիվանա», գիտակցու՞մ եք, որ ողջ պատասխանատվությունն ընկնելու է ձեր ուսերին (ինչպես որ միշտ է լինում – նախարարների հրամանների տակից ստիպված են լինում բուժաշխատողները դուրս գալ)։

Հարգելի պարո՛ն Թորոսյան, որպես այս ծրագրի պատասխանատու, կոչ եմ անում Ձեզ հետ կանչել 2019 թվականի հունվարի 29-ի 194-Ա հրամանը, հետ կանչել ՀՀ ողջ տարածքով բաժանված «Գարդասիլ-4» պատվաստանյութի խմբաքանակները, հրահանգել բոլոր բուժհիմնարկություններին դադարեցնել այս ապօրինի հրամանի կատարումը։

Ես և իմ համախոհներն այս առնչությամբ պատրաստվում ենք հաղորդում ներկայացնել հանցագործության մասին։ Ես հույս ունեմ, որ ոչ մի բուժաշխատող «չգիտակցված» գործողության համար պատասխանատվության չի ենթարկվի։

Ես ներողություն եմ խնդրում բոլոր այն քաղաքացիներից ում պատվաստանյութը ցուցված չէր, սակայն, ով տրվելով գովազդին և ապատեղեկատվությանը, ստացավ «Գարդասիլ-4» պատվաստանյութը, բոլոր նրանցից, ում մենք չհասցրեցինք իրազեկել։

Լինենք աչալուրջ, տեղեկացված և զգոն։

Հարգանքով,

Մարինա Խաչատրյան
Բժիշկ-նեյրովիրաբույժ»։