Համացանցը ծաղրում է պատգամավոր Վլադիմիր Վարդանյանին

Այսօրվա թոփ թեման Աժ «Իմ քայլը» խմբակցության պատգամավոր Վլադիմիր Վարդանյանի կողմից ամբիոնից արված հայտարարությունն էր՝ այն մասին, որ ինքը զանգահարել է kursayin.am կայք, ուսանողի ձայնով, վախվորած խնդրել, որպեսզի իր համար գրեն կուրսային՝ սահմանադրական իրավունքի վերաբերյալ: «Թեման էլ չհստակեցրեցին: Ասացին՝ խնդիր չկա. էջը՝ 500 դրամ»,- ասում է պատգամավորը:

Վարդանյանի այսօրվա ելույթը համացանցում ծաղրի առարկա դարձավ, օգտատերերի մոտ հարց է առաջանում՝ արդյոք մեր երկրում չկա՞ն այլ առավել կարևոր հարցեր, որոնք պետք է լուծվեն Ազգային ժողովի պես առանցքային օղակում, իսկ այս գուցե կարևոր, բայց ոչ առաջնային հարցով թողնել զբաղվի ընդամենը համապատասխան նախարարության ինչ-որ վարչության պետ:

Եվ, ի վերջո, ո՞րն է ուսանողի ձայնը և ո՞րը պատգամավորի:

Ստորև ներկայացնում ենք փոքրիկ քաղվածք համացանցից, թե ինչպես են մարդիկ ծաղրում պատգամավորի խոսքը և այդ առթիվ հումորներ անում: Այսօրվա ֆեյսբուք նյուզը հագեցրել է Վլադիմիր Վարդանյանը, ով, կարելի է ասել, Ազգային ժողովում իր առաջին բեմելը ձախողեց:

Նկատենք, որ պատգամավորը ևս հումորով է մոտեցել և իր ֆեյսբուքյան էջում «ամենահումորային մեկնաբանություն» գրողի համար մրցույթ է հայտարարել։