Արսեն Թորոսյանն իր տեղակալի ձերբակալության պատճառով չի պատրաստվում հրաժարական տալ

Առողջապահության նախարար Արսեն Թորոսյանը «Ազատություն» ռադիոկայանի ֆեյսբուքյան ասուլիսի ընթացքում անդրադարձել է մի շարք հարցերի, մասնավորապես, օրեր առաջ ԱԱԾ-ի կողմից իր տեղակալ Արսեն Դավթյանի ձերբակալությանը։

«Սա մեզ համար ցավալի իրողություն է, ամբողջ կոլեկտիվը երբեք չէր պատկերացնի, որ կարող էր նման բան տեղի ունենալ, սակայն, եթե ապացուցվի իր մեղքը: Ես չեմ ուզում խախտել մարդու անմեղության կանխավարկածը: Տեղի ունեցածը և ԱԱԾ-ի հաղորդագրությունը մեզ համար մեծ ցավ էր»:

Արսեն Թորոսյանը նշեց, որ այս կապակցությամբ հրաժարական չի պատրաստվում տալ: