Ըմբիշ Դավիթ Սաֆարյանը պարտվեց բրոնզե մեդալի համար գոտեմարտում

Ազատ ոճի ըմբշամարտի Հայաստանի հավաքականի անդամները դեռևս մեդալներ չեն նվաճել:

65 կգ քաշային Վազգեն Թևանյանը կարող էր պայքարել բրոնզե մեդալի համար։ Նա սփոփիչ գոտեմարտ պետք է անցկացներ Բելառուսը ներկայացնող Հուսեին Շահբանովի հետ, սակայն չի ներկայացել մրցագորգ:

70 կգ քաշային Դավիթ Սաֆարյանը իրավունք էր ստացել պայքարել բրոնզե մեդալի համար, և նրա հակառակորդն էր Մագոմեդռասուլ Գաջիմագոմեդովը, բայց հայ ըմբիշը պարտվեց 1:7 հաշվով:

Հայաստանի ընտրանու մյուս անդամներից Արսեն Հարությունյանը հաղթանակ է տոնել առաջին գոտեմարտում` 14:8 հաշվով հաղթելով Ուկրաինան ներկայացնող Վոլոդիմիր Բուրուկովին: