Ինչու է Բաքուն Արցախից 100 կմ հեռավորության վրա հարվածային ավիախումբ տեղակայել (լուսանկարներ)

Ադրբեջանը ռազմական ինքնաթիռների հարվածային խումբ է տեղակայել Արցախի Հանրապետության հետ շփման գծից 100 կմ հեռավորության վրա գտնվող օդանավակայանում: Նման եզրակացություն կարելի է անել Google քարտեզներում, որոնք թարմացվել են այս տարի։ Արբանյակային լուսանկարները, Google Earth-ի տվյալներով, արվել են անցյալ տարվա ամռանը և աշնանը: Այս մասին հայտնում է Eadaily.com-ը: 

ԼՈւՐԵՐ․com-ի հետ զրույցում Պաշտպանության նախարարի մամուլի խոսնակ Արծրուն Հովհաննիսյանն ասաց՝ արտառոց որևէ բան չկա․ «Այդ օդանավակայանները մեզ վաղուց հայտնի են, դրանք կան դեռևս ԽՍՀՄ ժամանակներից։ Անկեղծ չի լինի ասելը, թե վտանգ չկա, բայց միևնույն ժամանակ՝ ասել, թե ինքնաթիռներ տեղակայելուց վտանգ է ձևավորվել, դա էլ ճիշտ չէ։ Տվյալ լուսանկարները կես տարվանից ավելի վաղեմություն ունեն, այսինքն նոր վիճակ չէ։ Մենք իրենց օդանավակայանի ցանցը շատ լավ գիտենք, իրենց թռիչքները տեսնում ենք և հետևում ենք դրանց»,- նշեց Հովհաննիսյանը։  

Eadaily.com-ի փոխանցմամբ՝ Ադրբեջանի Քյուրդամիրի շրջանում ռազմական ավիաբազան Սու-25 գրոհայիններին և Սու-24 ճակատային ռմբակոծիչները տեղակայելու վայր է: Լուսանկարում, որը թվագրված է 2018 թվականի հունիսից, օդանավակայանի կայանատեղիներում կայանված է 25 մարտական ինքնաթիռ և ևս երեք ուղղաթիռ։ Դատելով լուսանկարներից՝ «Քյուրդամիրը» Ադրբեջանի ռազմաօդային ուժերի ամենածանրաբեռնված ռազմական ավիաբազան է Լեռնային Ղարաբաղին հարակից բոլոր երկրներից։ Այսպես, նրա հարևան Գյանջայում ինքնաթիռ ընդհանրապես չկա, իսկ Դալյարում՝ կայանատեղիում մի պահ կա։

Ընդ որում, Սումգայիթի «Պոմպնայա» գլխավոր ռազմական ավիաբազայում կայանատեղիում եւ թռիչքուղում կարելի է հաշվել հինգ ՄիԳ-29 եւ մեկ ռազմատրանսպորտային ինքնաթիռ:

Ի դեպ, Լեռնային Ղարաբաղի պայմաններում օդում գերազանցությունն ու ավիահարվածների սրընթացությունն անհրաժեշտ են, ավելի շուտ, միայն լայնածավալ պատերազմի դեպքում։ Լեռնային ռելիեֆը չի նպաստում մարտական ավիացիայից բարձր ՕԳԴ-ին։ Ընդ որում, Հայաստանը խորապես էշելոնացված ՀՕՊ համակարգ ունի։ Օրինակ, կարող է լինել Ստեփանակերտից հարավ գտնվող Շուշիկենդ գյուղի մոտ գտնվող Ս-125 ԶՀՀ-ի դիրքորոշումը։