Ֆելիքս Ցոլակյանը առանձնապես ոգևորված չէ գազի ներտնային սպասարկման գործառույթն ԱԻՆ-ին փոխանցելու հանգամանքով

Գազի ներտնային սպասարկման գործառույթն ԱԻՆ-ին փոխանցելու հետ կապված լուրջ քննարկում չի եղել:

Այս մասին լրագրողների հետ զրույցում ասաց ՀՀ արտակարգ իրավիճակների նախարար Ֆելիքս Ցոլակյանը:

«Մենք առանձնապես ոգևորված չենք եղել այդ հարցով, որ միացվի այդ սպասարկումը ԱԻՆ-ին։ Կարծում եմ, որ մասնավորը բավականին լավ է մատուցում ծառայությունը: Այստեղ մենք որևէ խորացված ուսումնասիրություն չունենք, չեմ կարող ասել, թե ինչ կլինի հետո»,- նշեց Ցոլակյանը։

Նախորդ տարի գազի ներտնային սպասարկման վճարները «Գազպրոմ Արմենիա»-ից Արտակարգ իրավիճակների նախարարությանը փոխանցելու հարցով քննարկումներ էին ընթանում։