Աջափնյակում երիտասարդն ի նշան բողոքի բարձրացել է էլեկտրասյան վրա՝ կտրելու բարձրավոլտ լարերը

Երեկ՝ ապրիլի 18-ին լարված ու պայթյունավտանգ իրավիճակ էր ստեծվել Երևանի Աջափնյակ վարչական շրջանում՝ Լուկաշին թաղամասում, երկար տարիներ բնակվող բնակիչները հերթական անգամ հավաքվել ու Երևանի քաղաքապետարանից, Աջափնյակ վարչական շրջանի պատասխանատուներից պահանջում էին լուծել իրենց՝ երկար տարիներ չլուծվող խնդիրը: Ի նշան բողոքի, բնակվողներից երիտասարդ տղան, ում անունը Հայկ է, որոշել և բարձրացել էր, որպեսզի կտրի բարձրավոլտ էլեկտրալարերը: Այս մասին հայտնում է shamshyan.com—ը։

Ֆոտոլրագրողի հետ զրուցում բնակիչներն ասում էի՝

Ի սկզբանե, երբ պետությունն այդ հողերը որպես փոխհատուցում է տվել նախկին կոլտնտեսության աշխատակիցներին, հայտնել են, որ էլեկտրալարերը ենթական են տեղափոխության: Սակայն հիմա 350-ից ավելի բնակիչ սեփական հողը չի կարողանում օգտագործել: Ընտանիքներ կան, որ ցանկանում են տուն կառուցել, դա էլ հնարավոր չէ, քանի որ լարերը վտանգավոր են: Մենք՝ քաղաքացիներս, ուզում ենք, որպեսզի բարձրավոլտ Էլեկտրալարերը տեղափոխվեն: Դիմումների հսկա կապոց ենք ցույց տալիս: Էլ ցանցից անգամ հորդորել են սեփական միջոցներով սյուներ գնել եվ տեղափոխության հարցը լուծել: Բոլոր հնարավոր եվ անհնար տեղերը դիմել ենք: Սակայն էլ ցանցի ներկայացուցիչը հայտնեց, որ ոչ թե քաղաքապետարան, այլ էլ ցանց պետք է դիմեիք: Սայլը տեղից չի շարժվում։ 

«Էս հարցը կարծես Տիտանիկի հայտնաբերման հարցը լինի: Քանի տարի է՝ ամեն անգամ թե՛ Երևանի քաղաքապետարանը, թե՛ Աջափնյակի թաղապետարանը, թե՛ Հայաստանի էլեկտրացանցեր ընկերությունը մեզ խաբում են: Մարդիկ ինչքան դաժան պետք է լինեն, որ մեր օրինական պահանջները չկատարեն: Այս պահին վստահելով ոստիկանությանը, մեր բողոքի ակցիան դադարեցնում ենք, բայց եթե այս անգամ էլ խնդիրը չլուծեցին, մեքն այլ ելք չունենք՝ դիմելու ենք ամենածայրահեղ միջոցների: Ի՞նչ են ուզում էդ կաբինետային կյանքին սովորղ որոշ վայ չինովնիկներ, ինչ է՝ ուզում են ամեն անգամ մեր օրը լուսացնենք ստրեսո՞վ: Հավատացե՛ք, էլ չենք համակերպվի», հավելել են  բողոքի մասնակիցները։

Նյութն ամբողջությամբ՝ սկզբնաղբյուր կայքում