Մեկ տարում հաշվառվել է 1090 բռնարար. Նելլի Դուրյան

Ընտանեկան բռնության դեմ պայքարը շարունակում է մնալ Հայաստանի իշխանությունների ուշադրության կենտրոնում։ Եվրոպայի խորհուրդը իշխանությունների հետ սկսում  է «Կանանց նկատմամբ բռնության և ընտանեկան բռնության դեմ պայքարը և կանխարգելումը Հայաստանում. Ստամբուլյան կոնվենցիայի ուղղությամբ շարունակվող Հայաստանը» ծրագիրը:

«Մենք պիտի գործուն քայլեր ձեռնարկենք օրենսդրության վերանայման ուղղությամբ, որովհետև մենք որքան էլ  ապահովենք գործակցությունը միջգերատեսչական մարմինների հետ, այնուամենայնիվ, օրենսդրական հնարավորությունները բավարար չեն՝ անհրաժեշտ միջոցներ ձեռնարկելու համար»,- այս մասին ասաց աշխատանքի և սոցիալական հարցերի  նախարար Զարուհի Բաթոյանը:

ՀՀ ոստիկանության քրեական հետախուզության գլխավոր վարչության անչափահասների իրավունքների պաշտպանության և ընտանեկան բռնության դեմ պայքարի վարչության պետ Նելլի Դուրյանն իր հերթին հայտարարեց, որ օրենքի ուժի մեջ մտնելուց հետո արդեն հաշվառվել է 1090 բռնարար, որոնցից 100-ից ավելին կանայք են: Նա հավելեց, նաև, որ այդպիսի անձանց հետ ստիկանության  աշխատակիցները իրականացնում են համապատախան աշխատանքներ:

 Ավելի վաղ տեղեկացրել էինք նաև, որ ՀՀ Առողջապահության նախարար Արսեն Թորոսյանը իր ֆեյսբուքյան էջում այսօր ևս անդրադարձել էր բռնությունների թեմային և նշել, որ հատկապես սարսափեցնող են մանկահասակ երեխաների նկատմամբ և ընտանիքի ներսում կատարվող բռնության դեպքերը և որ պետությունն անելիք ունի՝ ընտանեկան և սեռական բռնության կանխարգելման և բռնության զոհերի պաշտպանության հարցում: