Աթլետիկայի Հայաստանի առաջնություն. մրցումային առաջին օրվա հաղթողները

Արտաշատի քաղաքային մարզադաշտը հերթական անգամ ընդունեց աթլետիկայի Հայաստանի մեծահասակների առաջնությունը:

Մրցումային առաջին օրը մեդալների համար պայքարեցին 19 մրցաձևում: Կապանցի մարզիկ Լևոն Աղասյանը ցատկելով 17.08 սահմանեց անձնական ռեկորդ, դարձավ Հայաստանի չեմպիոն և նվաճեց Քաթարում կայանալիք աշխարհի առաջնության ուղեգիր:

Տղամարդկանց 1500 մետր վազքում 3,55.76 րոպե արդյունքով լավագույնը Երվանդ Մկրտչյանն  է:  3000 մետր մրցաձևում 12,09.22 րոպե արդյունքով Անգելինա Ավագյանն է:  Տղամարդկանց և կանանց 400 արագավազքում լավագույնները Ռաիսա Սիմոնյանը (1,10.56 րոպե արդյունք) և Նարեկ Ղուկասյանն (55.04 վայրկյան արդյունք) էին: 100 մետր վազքատարածությունը կանանցից առաջինը եզրածգին հասավ Գայանե Չիլոյանը (12.02 վայրկյան արդյունք), իսկ տղամարդկանցից՝ Ռազմիկ Մկրտչյանը (11.18 վայրկյան արդյունք): 400 մետր վազքում ոսկե մեդալակիրներ դարձան Արմեն Հովհաննիսյանը (50.89 վայրկյան արդյունք) և Գայանե Չիլոյանը (56.80  վայրկյան արդյունք):  Հեռացատկի կանանց մրցաձևում ամենալավ արդյունք գրանցեց Յանա Աբրահամյանը՝ 5.94 մետր:

Գնդի հրում ձևում 16.53 մետր արդյունքով առաջինն Ալբերտ Մարտիրոսյանն է: Նիզակի նետում ձևում՝ Մարիամ Մկրտչյանը (37.20 մետր արդյունք): Մուրճն ամենաշատ նետեց Ժաննա Շահնազարյանը` 50.12 մետր: Փոխանցումավազերի երկու ձևերում էլ հաղթողներ դարձան ԱՕՄ-ի թիմերը: