«Ռուսթավի 2»-ը Պուտինին հայհոյած հաղորդավարի անունից ներողություն է խնդրել
Վրաստան«Ռուսթավի 2» հեռուստաալիքըի տնօրինությունը Գեորգի Գաբունիայի արտահայտությունների հետ համամիտ չէ. այդպես է մեկնաբանել հեռուստաալիքի գլխավոր տնօրեն Նիկա Գվարամիան։ Հիշեցնենք, որ հեռուստաալիքի հաղորդավար Գեորգի Գաբունիան հայհոյել էր ՌԴ նախագահ Վլադիմիր Պուտինին։
Հեռուստաալիքի գլխավոր տնօրեն Նիկա Գվարամիան հեռուստաալիքի անունից ներողություն է խնդրել ոչ եթերային տեքստի համար: «Այս հեռուստաալիքն իր խմբագրությամբ իր գլխավոր շահը համարում է Հայրենիքի, Վրաստանի պաշտպանությունը, հետևաբար, ցանկացած հարձակում նրա համար մեկ թշնամի Վլադիմիր Պուտինի վրա համարում է արդարացված: Հեռուստաալիքի եթերում ինքնարտահայտումը, լինի դա հեղինակային կամ որևէ այլ հաղորդում, ունի իր ձևերն ու կանոնները: Այդ կանոնները բազմիցս խախտվել են նաև իմ կողմից, բայց այդ խախտումներն ունեն իրենց ձևը, կարմիր գծերը… Հեռուստաալիքը կտրականապես չի կիսում ոչ թե պարոն Գաբունիայի արտահայտած կարծիքը, այլ այդ կարծիքի արտահայտման ձևը՝ կարծելով, որ դա չի համապատասխանում հեռուստաալիքի խմբագրական քաղաքականությանը և շատ բարձր չափանիշներին»,- ասել է տնօրենը
Հեռուստաալիքի որոշմամբ՝ Գաբունիան 2 ամսով կզրկվի լրագրողական լիազորություններից: Սահմանափակումը մասնավորապես կվերաբերի նրա վարած «P.S.» և «Արչևանի» հաղորդումներին:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
