Մենք պետք է ցույց տանք Չեռնոբիլն աշխարհին. Զելենսկի

Ուկրաինայի նորընտիր նախագահ Վլադիմիր Զելենսկին հրամանագիր է ստորագրել, որով վերացնում է Չեռնոբիլի օտարման գոտի այցելելու մի շարք արգելքներ:

«Մենք պետք է ցույց տանք Չեռնոբիլն աշխարհին` գիտնականներին, բնապահպաններին, պատմաբաններին, զբոսաշրջիկներին: Ցավոք, օտարման գոտին մինչ օրս կոռուպցիայի խորհրդանիշն է; Ուժայինները զբոսաշրջիկներից կաշառք են հավաքում, ապօրինաբար մետաղի ջարդոն է արտահանվում և օգտագործվում են բնական ռեսուրսները»,– Թվիթթերի իր էջում գրել է Զելենսկին: