Այս պահին Ամուլսարի հանքի շահագործումն արգելելու որևէ իրավական հիմնավորում չունենք. Փաշինյան

Առնվազն այս պահի դրությամբ մենք չունենք Ամուլսարի հանքի շահագործումն արգելելու որևէ իրավական հիմնավորում, բայց հասկանալի է նաև, որ մենք չենք կարող հաշվի չառնել մեր հանրության շրջանում առկա անհանգստությունները։ Այս մասին ֆեյսբուքի ուղիղ եթերում հայտարարեց ՀՀ վարչապետ Նիկոլ Փաշինյանը։

«Հանրությունը փաստեր ունի, մենք չենք կարող ասել, որ այդ ամենը մեզ չի հետաքրրքում։ Մենք պետք է հաշվի առնենք հանրության անհանգստությունները։ Մյուս կողմից մենք չենք կարող հաշվի չնստել ՀՀ տնտեսական հանրության անհանգստության հետ», - ասաց նա։