Ցույցերը ճնշելու նպատակով Իրանի կառավարությունը քաղաքացիներին զրկել է ինտերնետից
Իրան
Բենզինի գնի աճի հետևանքով Իրանում արդեն մեկ շաբաթ է ինչ ցույցեր են ընթանում, որոնք ճնշելու նպատակով կառավարությունը անջատել է ինտերնետը և սահմանափակել կապի այլ միջոցներ, գրում է Ամերիկայի Ձայնը:
Հակակառավարական ցույցերը ճնշելու նպատակով Իրանի կառավարությունը գրեթե մեկ շաբաթ է, ինչ երկրի բնակիչներին զրկել է ինտերնետից: Իրանի կիբեր տարածության անվտանգության գլխավոր պատասխանատու Աբոլհասսան Ֆիրուզաբադին հայտնել է, որ ինտերնետի վերականգնման վերաբերյալ որոշումը կառավարությունը պետք է կայացներ դեռևս հինգշաբթի երեկոյան:
«Հուսով ենք, որ իրավիճակը շուտով կբարելավվի, որպեսզի այս անցանկալի մեթոդը դադարեցվի և բոլորը կարողանան կրկին ինտերնետ ունենալ»- ասել է նա: Իրանի Կիբեր տարածության գերագույն խորհրդի գլխավոր քարտուղարը նաև հույս է հայտնել, որ որոշումը կկայացվի մոտակա մի քանի օրերի ընթացքում: Իրանի կառավարությունը անջատել էր ինտերնետը շաբաթ օրը` վառելիքի գնի բարձրացման հետևանքով սկսված ցույցերին ի պատասխան: Ինտերնետի բացակայությունը և դրան հաջորդած կապի խափանումը, իրանցիներին խոչընդոտում էին կապ հաստատել արտաքին աշխարհի հետ:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
