Ոստիկանության աշխատանքը դրական է գնահատվել, սակայն բացասականը կրկնապատկվել է

Վերջին մեկ տարվա ընթացքում ոստիկանության աշխատանքը լիովին դրական է գնահատել քաղաքացիների 20,5 տոկոսը, ավելի շուտ դրական՝ 47,3 տոկոսը։

Այս մասին ասուլիսի ժամանակ ասաց «GALLUP International association»-ի Հայաստանում լիիրավ անդամ Էմ Փի ՋԻ ՍՊԸ տնօրեն Արամ Նավասարդյանը։

«Սակայն, եթե ուշադրություն դարձնեք՝ բացասական պատասխանների թիվը գրեթե երկու անգամ ավելացել է նախորդ երկու տարվա համեմատ։ 11,3 տոկոսը նշել է, որ չի փոխվել, 8,2 տոկոսը նշել է, որ ավելի շուտ բացասական և ընդհանրապես բացասական՝ 5,3 տոկոսը»,- եզրափակեց Նավասարդյանը։