Լարված իրավիճակ Հովտաշատում՝ Ծառուկյանի անվան հետ կապվող տարածքներում

Հովտաշատցիները տարածք ներխուժելիս հայտարարել են, թե դրանք գյուղի հողերն են՝ «մեր տարածքում աճեցրած ձկները մերն են, ու եկել ենք տանենք»։ Հետո, երբ դիմադրության են հանդիպել, հրմշտոց է սկսվել, հայհոյախառն արտահայտություններով փորձել են սադրել ձկնաբուծարանի աշխատակիցներին։

Նրանք հարձակվել են նկարահանող խմբի վրա, հարվածել ու հայհոյել լրագրողին և օպերատորին, վնասել տեսախցիկը:

Նշենք, որ ձկնաբուծարանն իրականում պատկանում է «Մուլտի գրուպ» ընկերության տնօրեն Սեդրակ Առուստամյանին, կամ գոնե ԱՆ պետռեգիստրում գրանցված է նրա անունով։

Այս պահի տվյալներով՝ ահազանգից հետո միջադեպի վայր են ժամանել Սեդրակ Առուստամյանի ներկայացուցիչները, շուտով նաև ոստիկանության ծառայողները կհասնեն դեպքի վայր։