6-ամյա տղան հավաքել է 230 հազար դոլար ավստրալական հրդեհներից տուժածների համար

Վեցամյա Օուենի ծնողները՝ Քեյթլին եւ Սայմոն Քոլիները, օգնել են նրան դրամահավաք կազմակերպել Ավստրալիայում տուժած կենդանիներին օգնելու համար։ Ակցիան ստացել է Owen’s Australian Creature Rescue անվանումը։

«Երբ Օուենն առաջին անգամ իմացավ հրդեհների մասին, նա, ինչպես եւ մենք բոլորս, շատ մտահոգվեցինք։ Մենք ցանկանում էինք ինչ-որ բան անել, որպեսզի նա օգնելու հնարավորություն ունենար»,- ասում է Քեյթլին Քոլին։

Քեյթլինի խոսքով՝ փոքր կավե կոալաներ ստեղծելու գաղափարը ի հայտ եկավ որպես ընկերներին եւ ընտանիքի անդամներին շնորհակալություն հայտնելու միջոց իրենց ներդրած ավանդի համար։ Դրամը հավաքող GoFundMe-ի էջում տեղադրված տեղեկատվության համաձայն՝ ձեռքի աշխատանք կավե կոալան որպես երախտագիտական նվեր կստանան նվիրատուները, ովքեր ֆոնդի հաշվին կփոխանցեն 50 եւ ավելի դոլար։

Ինքը՝ Օուենը, ասում է, որ պարզապես սիրում է կենդանիներին։ Նրան հատկապես դուր են գալիս կոալաները, որովհետեւ նրանք մագլցում են ծառերի վրա։

Օուենն արդեն վաղուց անցել է հազար դոլարի նախնական սահմանը՝ հավաքելով ավելի քան 230 հազար։ Հիմա նա մինչեւ երեք մլն դոլարի հասնելու հույս ունի։

Նվիրատվությունները կփոխանցվեն Wildlife Rescue South Coast Inc.-ին, որը վայրի կենդանիների փրկության եւ վերականգնման ամենամեծ խումբն է Նոր Հարավային Ուելսի հարավային ափի շրջանում։

Այս թեմայով Դոլարն ու եվրոն էժանացել են. տարադրամի փոխարժեքները հոկտեմբերի 6-ին Նորից անկում տարադրամի շուկայում․ մանրամասներ Դոլարն ու ռուբլին էժանացել են․ փոխարժեքն՝ այսօր Իրավախախտումը չարձանագրելու համար փորձել էր կաշառել պարեկներին Տղամարդը հողային քանդման աշխատանքներ կատարելիս գործիքով բախվել է էլեկտրալարին ու այրվածքներ ստացել