Պայքար քաղցկեղի դեմ. բրիտանացի գիտնականներն «ունիվերսալ միջոց» են հայտնաբերել

Քարդիֆի համալսարանի մի խումբ գիտնականների հայտնագործությունը կարող է բժիշկներին թույլ տալ մարդու իմունային համակարգը «տրամադրել» քաղցկեղային բջիջների դեմ: Դա կարող է քաղցկեղի դեմ ունիվերսալ դեղամիջոցի ուղի բացել: 
Մեթոդն առայժմ կլինիկական փորձարկումներ չի անցել, սակայն հետազոտողներն ասում են, որ այն վիթխարի ներուժ ունի: Աշխատանքի հակիրճ շարադրանքը հրապարակված է Nature Immunology հանդեսում: 
Հետազոտության Էությունը «անսովոր» եղանակների որոնումն է, որոնցով իմունային համակարգը պայքարում է քաղցկեղային ուռուցքների դեմ: Գիտնականներին հաջողվել է հայտնաբերել T-լիմֆոցիտի հատուկ տեսակ՝ բջիջներ, որոնք մարդու օրգանիզմում պատասխանատու են իմունային հակազդման համար:
Սակայն գիտնականների գտած բջիջն, ի տարբերություն մյուսների, կարող է հակազդել տարբեր տեսակների սպառնալիքների: 
«Շանս կա, որ դա կարող Է բուժել բոլոր հիվանդներին: Նախկինում ոչ ոք չԷր կարծում, թե դա հնարավոր Է»,- BBC-ի հետ կայացած զրույցում ասել է հետազոտող Հենրի Սիուելլը:
T-լիմֆոցիտների (կամ T-բջիջների) մակերեւույթին կան քիմիական ռեցեպտորներ, որոնց միջոցով դրանք որոշում են օրգանիզմի համար վտանգավոր անտիգեները:
Գիտնականների խմբին հաջողվել է իրենց գտած T-լիմֆոցիտների տեսակին հարկադրել գրոհելու լայն սպեկտրի քաղցկեղային բջիջների վրա: 
Մեթոդը փորձարկվել է թոքերի քաղցկեղի, արյան, աղիների, կրծքագեղձի, ոսկրի, շագանակագեղձի, ձվարանների եւ արգանդի վզիկի քաղցկեղի բջիջների վրա: 
Լիմֆոցիտը ոչնչացրել Է քաղցկեղային բջիջները եւ չի վնասել առողջությանը:

Այս թեմայով Բաշար ալ Ասադի կնոջ մոտ քաղցկեղ է ախտորոշվել Քաղցկեղ ունենցող պացիենտներին անվճար կտրամադրվի մարդասիրական օգնությամբ ստացված «Մվասի» դեղը Տղամարդու ատամի ցավը պարզվել է՝ քաղցկեղի նշան է Ամեն տարի Հայաստանում միջինը 178 կնոջ մոտ ախտորոշվում է արգանդի պարանոցի քաղցկեղ. 115-ը մահանում է. Մուրադյան Հայաստանում քաղցկեղի բազմաթիվ տեսակներ վերջին 20 տարվա ընթացքում աճել են 75%-ով․ ԵՊԲՀ ռեկտոր