Փղերը փախուստի են դիմել կրկեսից և զբոսնել քաղաքում (տեսանյութ)

Եկատերինբուրգում երկու փիղ է փախել կրկեսից:

Ականատեսները նկարահանել են նրանցից մեկին Մարտի 8 փողոցում: Հրապարակված կադրերում երևում է, թե ինչպես է հսկա կենդանին անցնում փողոցը, մինչ վարժեցնողը փորձում է նրան կանգնեցնել:

E1.ru պարբերականին տված հարցազրույցում կրկեսի աշխատակիցներն ասել են, որ փղերը չեն փախել, այլ իրենց ծրագիրն է ավարտվել և նրանց տեղափոխում են այլ քաղաք: Սակայն, հետագայում 66.ru-ի լրագրողի հետ զրույցում խոստովանել են, որ, այնուամենայնիվ, փղերը փախել էին:

Նշվում է, որ կենդանիները վերադարձվել են կրկես: