Եկատերինբուրգ-Երեւան ինքնաթիռը վերադարձել է օդանավակայան՝ կանգնակների տվիչի ահազանգի պատճառով

Գերատեսչությունը հավաստիացնում է, որ Airbus А320-ը ուրբաթ առավոտյան, ժամը 7.35-ին (Մոսկվայի ժամանակով ժամը 5.35-ին) դուրս է եկել Կոլցովո օդանավակայանից, բայց մոտ մեկ ժամ հետո ինքնաթիռը, որի մեջ 65 ուղեւոր եւ անձնակազմի 6 անդամ կային, ստիպված է եղել վերադառնալ օդանավակայան։

Եկատերինբուրգից Երեւան թռչող ինքնաթիռը հետ է դարձել անսարք կանգնակի տվիչի պատճառով, որն սկսել է ահազանգել, ոչ ոք չի տուժել, տեղեկացնում է ՌԻԱ «Նովոստի»-ն՝ հղում կատարելով ՌԴ ՔԿ տրանսպորտի Ուրալի քննչական վարչությանը։

«Բարձրություն հավաքելու ընթացքում կանգնակների անսարքության տվիչը սկսել է ահազանգել, այդ առնչությամբ օդանավի հրամանատարը որոշում է կայացրել վերադարձնել ինքնաթիռն օդանավակայան... Օդանավը բարեհաջող վայրէջք է կատարել մեկնման օդանավակայանում։ Ուղեւորները, անձնակազմի անդամները չեն տուժել։ Օդանավը չի վնասվել»,- ասվում է հաղորդագրությունում։

Քննչական վարչությունը սկսել է փաստի ստուգումները, գերատեսչության աշխատակիցները պարզում են պատահածի պատճառներն ու հանգամանքները։