Տղամարդը 27 հազար դոլար է գտել փողոցում և վերադարձրել բանկին (տեսանյութ)

ԱՄՆ Միչիգան նահանգի բնակիչը փողոցում 27 հազար դոլար է գտել և վերադարձրել բանկին:

Daily Mail-ի փոխանցմամբ՝ հունվարի 21-ին Ջորջ Քոնդեշը փողոցում՝ բանկոմատի մոտ, տուփ է նկատել՝ «40 հազար դոլար» գրությամբ: Տղամարդն ի սկզբանե կարծել է, թե դա աղբ է, սակայն հետո որոշել է այն տանել մոտակա բանկը:

Նա մոտեցել է աշխատակիցներին և դրել տուփը սեղանի վրա:

«Իսկ պագևավճար սպասվու՞մ է 40 հազար դոլարի համար»,- ասել է նա:

Բանկի աշխատակիցները ապշել են տղամարդու արարքից, քանի որ շատ քչերը նման կերպ կվարվեին:

Պարզվել է, որ բանկի աշխատակիցը, ով պետք է գումարը տաներ բանկ, մոռացել է տուփերից մեկը փողոցում: Տուփի մեջ եղել 27 հազար դոլար՝ չնայած «40 հազար դոլար» գրությանը:

Անվտանգության տեսախցիկները ֆիքսել են, որ  տուփը մոտ 20 րոպե անպաշտպան մնացել է դրսում, մինչև որ այն գտել է Քոնդեշը:

Բանկը, որպես երախտագիտություն, պարգևատրել է տղամարդուն, սակայն նշել են, որ եթե նա տաներ իր հետ գումարը, ոստիկանությունը նրան անպայման կգտներ: