«Արցախի հարցում դեռ սպասում ենք»
Հասարակություն
«Հայաստանը չի խուսափում բանակցել Ադրբեջանի հետ»,-այս մասին լրագրողների հետ հանդիպմանն ասաց քաղաքագետ Նարեկ Մինասյանը։ Նրա խոսքով ՝ վերջին բանակցությունները աչքի ընկան տևողությամբ։
«Այս անգամ հաստատվեց, որ բանակցային փաստաթուղթ չկա։ Չեմ կարծում, թե մոտակա ամիսներին կունենանք փաստաթուղթ, քանի որ կողմերը զբաղված են ներքաղաքական հարցերով։ Արցախում սպասվում են նախագահական ընտրություններ, իսկ Ադրբեջանում արտահերթ ընտրություններ են»,- ասաց նա։
Քաղաքագետն ընդգծեց, որ կարևոր է, երբ կողմերը օգտագործում են մի եզրույթ կամ տերմին՝ ունենան նույն պատկերացումը. «Հակառակ դեպքում կպարզվի, որ տարբեր փաստաթղթերի շուրջ են բանակցում»։
Քաղաքագետը նշեց, որ այս պահին Հայաստանի համար կարևոր է Արցախի բանակցային գործընթաց վերադառնալը։
Այս անգամ նաև խոսվեց Ժողովուրդներին խաղաղության նախապատրաստելու մասին, ինչպես նաև հումանիտար աշխատանքներ իրականացնելու մասին. «Կարևոր է գերիների փոխանակման հարցը, որը, սակայն, մի կարևոր կետ ունի։ Կարծում եմ՝ պետք է տարանջատում լինի մոլորված ու միամտորեն սահմանն անցած և դիվերսիայի իրականազման արդյունքում գերի ընկածների միչև և առաջինները պետք է արտոնություն ունենան»։
Մինասյանի խոսքով՝ հայկական կողմը արաջարկում է, որ դիտորդները լինեն տեղում և ոչ թե մի քանի ամիսը մեկ այցեր ունենան։
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
