Կորոնավիրուսն ո՞ւմ շուննա, որ մի հատ էլ մեր կյանքում ինչ-որ պրոբլեմներ առաջացնի. Փաշինյան
Հասարակություն
Կորոնավիրուսն ում շուննա, որ մի հատ էլ մեր կյանքում ինչ-որ պրոբլեմներ առաջացնի: Այս մասին «Ֆեյսբուք»-ի իր էջի ուղիղ եթերում նշեց ՀՀ վարչապետ Նիկոլ Փաշինյանը։
«Այս իրավիճակը պատվով և ուժեղացած կհաղթահարենք։ Ցանկացած նորություն դուք կիմանաք մեզանից։ Որևէ ուրիշ աղբյուր չփնտրեք», - ասաց նա։
«Այնպես որ, դուխո՛վ, ժողովուրդ ջան։ Կորոնավիրուսը ում շուննա, որ մի հատ էլ մեր կյանքում ինչ-որ պրոբլեմներ առաջացնի։ Բայց, իհարկե, պետք է զգոն վերաբերվել, անլուրջ չվերաբերվել և հաղթել», - ընդգծեց նա։
Նա նաև վստահեցրեց, որ կորոնավիրուսի կանխարգելման հանձնաժողովն աշխատում է անընդհատ, և հորդորեց վստահել միայն պաշտոնական տեղեկատվությանը։
«Այս իրավիճակը մենք պատվով, ուժեղացած կհաղթահարենք»,- շեշտեց Նիկոլ Փաշինյանը։ Նա նաև ընդգծեց, որ կառավարությունը որևէ կենսականորեն անհրաժեշտ տեղեկատվություն չի թաքցնելու և շեշտեց. «Բացառված է, որ կառավարությունը որևէ այլ նպատակ ավելի կարևոր համարի, քան հանրային առողջության և անվտանգության խնդիրները»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
