«ՈՉ»-ի հներն էկան 10.000 դրամով առան էս գյուղացիքին․ «ՈՉ»-ի շտաբը դիմում է իրավապահներին

Կինոռեժիսոր Հրանտ Վարդանյանի կինը, «Արևիկ»հրատարակչության տնօրեն Սաբետ Հովհաննիսյանը երեկ իր ֆեյսբուքյան էջում գրառում է արել, որով տեղեկացրել է, որ իր ծանոթներին «ՈՉ»-ի շտաբի անդամները կաշառել են․«Մամայիս ընկերուհի Աիդան, որ Լոռիում է ապրում, այսօր վրդոված պատմում է`

- այ մարդ «ՈՉ»-ի հներն էկան 10.000 դրամով առան էս գյուղացիքին ու գնացին: - էկա հարցրի` այ մարդ վերցրի՞ք էդ գումարը. գլուխը կախեց,աչքերը պտտելով հատակին ասեց- էնքան հողի գործ ունեի անելու, հա, վերցրի:

...Ես վստահ ասում եմ, այդ նույն գյուղացին ավելի շատ "պահունի" գումար ու ոսկի ունի «սև օրվա» համար, քան թե օրինակ իմ ընտանիքի պես ապրողը, որ հասցնում է միայն օրվա հոգսը հոգալ և երբեք պատրաստ չէ կյանքի սովորական հունը խախտող հանկարծակի գուժերին, որոնք մեծ գումարների հետ են կապված և ինձ միշտ զայրացնում է էդ "դե տալիս են, ինչու՞ չվերցնեմի" հոգեբանությունը: Սա չարիքների չարիքն է, չգիտեմ, մի գուցե հին հոգեբանություն է և սերու՞նդ պետք է փոխվի որ մաքրվի:
Իսկ մինչ այդ, հին «ՈՉ»-երը անխնա կաշառում են գյուղացուն...»։

«Ոչ»-ի ճակատի ներկայացուցիչ Ռուբեն Մելիքյանը ֆեյսբուքյան այս միջադեպի մասով իր էջում գրել է.

«Դիմում եմ իրավասու մարմիններին՝ գրառման մեջ նշված փաստով անհապաղ քրեական գործ հարուցելու պահանջով։ Եթե ինչ-որ մարդիկ իրոք «ՈՉ»-ի անունից ընտրակաշառք են տվել, ապա անհրաժեշտ է անհապաղ բացահայտել ու քրեական հետապնդման ենթարկել նրանց։ Իսկ եթե սա մեր դեմ հերթական զրպարտությունն է, ապա պատասխանատվության պետք է ենթարկվի գրառման հեղինակը։

Իսկ մինչ այդ՝ մեր նախաձեռնող խումբը թերևս պատրաստի ու դատարան ներկայացնի զրպարտության ու վիրավորանքի փաստով արդեն երկրորդ հայցը»։