Եթե բաժակը պղտոր ջրով լցնենք, հետո փորձենք մաքուր ջուր լցնել, այդ բաժակը չի բյուրեղանա․ Նիկոլայ Բաղդասարյան (տեսանյութ)

ՀՀ ազգային ժողովի «Իմ քայլը» խմբակցության պատգամավորները տարբեր տեսակետներ ունեն կառավարության կողմից ներկայացված դատական համակարգի բարեփոխումների օրենսդրական փաթեթի վերաբերյալ:

Պատգամավոր Նիկոլայ Բաղդասարյանի կարծիքով՝ օրենքի ընդունումից հետո բան չի փոխվի: Նա իր անհամաձայնությունը ներկայացրեց համամետությամբ: «Եթե բաժակը պղտոր ջրով լցնենք, հետո փորձենք մաքուր ջուր լցնել, այդ բաժակը չի բյուրեղանա, այն կմնա պղտոր: Մենք անցումային արդարադատության վերաբերյալ առաջարկություններ ներկայացնելիս ասում էինք, որ այդ բաժակի պղտոր ջուրը զտենք, հետո նոր մաքուր ջուր լցնենք: Ես կողմ կքննարկեմ օրենքով առաջարկվող գործիքկազմին՝ հույս ունենալով, որ առաջինից երկրորդ ընթերցմանը մենք կգնանք արմատական փոփոխությունների: Գործիքակազմը, որ այս փաթեթով առաջարկվում է, չի հանգեցնի նրան, որ դատական համակարգը զտում անցնի, այնուհետև համալրենք գրագետ, բանիմաց և պրոֆեսիոնալ դատավորներով»,-ասաց Բաղդասարյանը: